أنا مصطفى طه، خريج تربية رياضية مدرب شخصي معتمد من NASM. رحلتي في الفتنس بدأت من 3 سنوات ، بعد ما اتعرضت لإصابة خلتني أبقى عايز أفهم أكتر عن الجسم، تشريحه، وإزاي الحركة بتحصل. كل ده فتح عيني على عالم كبير، وخلاني أدخل المجال بحب وشغف.

بدأت شغلي مع ناس هدفهم ينزلوا وزن (Fat Loss) أو يكسبوا عضل (Muscle Gain)، لكن مع الوقت حسيت إني عايز أعمل فرق أكبر. كنت عايز أساعد الناس اللي عندها مشاكل قوامية وأشتغل على تصحيحها، مش بس عشان شكلهم، لكن عشان يحسوا براحة في حركتهم ويعيشوا حياتهم بشكل أفضل.

أنا مؤمن إن الفتنيس مش بس عضلات وقوة، لكنه أسلوب حياة (Lifestyle). في حاجات أهم بكتير زي إنك تتحرك صح، جسمك يكون متناسق، وتعيش مرتاح من غير آلام أو إصابات. وده هو هدفي، إني أساعد أي حد عايز يحسن حياته للأحسن.

إن شاء الله، هقدر أكون سبب في تغيير حياة ناس كتير.

بشوف الرياضة اعظم هديه يقدمها الإنسان لصحته البدنية والنفسية …ومن أهم طرق التعبير عن حب والاهتمام بالذات