❤️🔥من وأنا صغيرة وأنا بحب الرياضة والحركة وكانت دايمًا جزء كبير من حياتي. جربت رياضات كتير ومن أهم المحطات في رحلتي كانت كرة الطائرة🏐 اللي كنت بلعبها وكنت بحب جدا أجواء المنافسة والتحدي فيها. الرياضة من بدري علمتني الالتزام التركيز الصبر وروح الفريق وخلت عندي شغف إني أتحرك وأطور من نفسي 👌وبعدها بدأت رحلتي مع الزومبا واللي بقالها 13 سنة جزء كبير من حياتي. من أول ما دخلت عالم الزومبا حسيت إنها مختلفة لأنها مش مجرد رياضة أو تمرين لكنها بتمكس بين الموسيقى والحركة والطاقة والفرحة 💃🏻🔥على مدار 13 سنة الرحلة كانت مليانة تجارب وتحديات وتطور. كل مرحلة علمتني حاجة جديدة وكل كلاس كان بيزودني خبرة وشغف أكتر. ومع الوقت حبي للزومبا اتحول لشغف حقيقي إني مش بس أمارسها لكن كمان أنقل الطاقة دي للناس اللي حواليا وأخلي كل حد يدخل الكلاس يخرج بطاقة أحسن وثقة أكبر وإحساس إنه عمل حاجة حلوة لنفسه…وخلال رحلتي مع الزومبا اتعرفت على أنواع وألوان مختلفة من الرقص والحركة وكل نوع فيهم ليه طاقته وإحساسه الخاصZumba Toning ⭐Zumba Strong ⭐Zumba Step ⭐Merengue ⭐Reggaeton ⭐Salsa ⭐Belly Dance ⭐Afro ⭐وكل نوع كان بيضيفلي حاجة جديدة وبيخليني أكتشف أكتر قد إيه عالم الزومبا واسع ومليان طاقة وفرحة وحماس 💃🏻🔥ومن أحلى المحطات في رحلتي كانت تجربة Zumba Kids واللي كانت مختلفة ومميزة جدا لأن طاقة الأطفال وحماسهم وطريقتهم في الحركة واللعب بيخلوا للزومبا إحساس تاني خالص ❤️💃🏻والنهارده بعد 13 سنة في مجال الزومبا لسه الشغف موجود ولسه عندي نفس الحماس إني أتعلم وأتطور وأقدم كل مرة تجربة جديدة ومختلفة…..

وده كان جزء من رحلتي مع الزومبا والرياضة بس الرحلة لسه فيها تفاصيل ومحطات تانية كتير ❤️🔥وفي كلام تاني هحكيلكم عن الكلاسات المختلفة اللي بعملها وتجربتي مع كل نوع وإيه اللي بيميز كل كلاس عن التاني لأن كل كلاس بالنسبالي له طاقة وحكاية مختلفة 🤩معاكم إنستركتور زينب أحمد ولسه الحكاية مكملة 💃🏻🔥❤️

https://www.instagram.com/zeinabff55