س: عرفينا بنفسك وبدايتك مع الزومبا؟

،أنا هيدي أسامة, Dance and movement coach وبشتغل في مجال الزومبا من سنة2013، يعني بقالي حوالي 13 سنة في المجال.درّست الزومبا في أماكن مختلفة كتير في مصر. بالنسبة لي، الزومبا مش مجرد رياضة أو شغل, لكنها بقت جزء كبير جدًا من حياتي. من أجمل الحاجات فيها إنها بتجمع بين الحركة والرياضة والمزيكا والطاقة، وفي نفس الوقت بتخلق مجتمع من الناس اللي بيشاركوا نفس الشغفس: إمتى بدأتِ تتعرفي على الزومبا وإيه اللي جذبك ليها؟

ج: أنا بدأت أتعرف على الزومبا سنة 2006، وابتديت أحضر كلاس زومبا في وقت ما كانش لسه ناس كتير تعرف يعني إيه زومبا في مصر. من أول مرة حسيت إن الموضوع مختلف جدًا بالنسبة لي. كنت بحب فكرة إني أتمرن وأتحرك من غير الإحساس التقليدي بتاع إن التمرين شاق أو ممل، لأن المزيكا والطاقة والجو كانوا بيخلوني أحس إني في حفلة أكتر من إني بتمرن.مع الوقت، حبي للزومبا زاد جدًا، وقررت إني أخد الموضوع بشكل احترافي. وفي سنة 2013 بدأت رحلتي كمدربة، ومن وقتها وأنا بدرس في أماكن مختلفة في مصر وفي جيمات مختلفة، والرحلة مستمرة لحد دلوقتي.

س: إيه أكتر حاجة خلتك تحبي الزومبا وتكملي فيها كل السنين دي؟

ج: أعتقد إن أكتر حاجة خلتني أحب الزومبا إنها غيرت كتير في شخصيتي، وفي نفسيتي، وفي حياتي الاجتماعية. بالنسبة لي، الزومبا مش مجرد ساعة رياضة، دي مساحة للطاقة والفرح والتعبير عن النفس، وده شيء بحاول أنقله لكل شخص بيحضر الكلاس معايا.

س: إيه الفرق بين الزومبا والأيروبيكس؟ج: الاتنين طبعًا يعتبروا من أنواع الـ Group Fitness والـCardio، لكن طبيعة كل واحد مختلفة.الأيروبيكس بيعتمد بشكل أكبر على مجموعة من التمارين والحركات المتتابعة، والهدف الأساسي منه تحسين اللياقة البدنية وصحة القلب والتنفس.أما الزومبا فبتعتمد على خطوات سهلة وحركات مختلفة، وخصوصًا على الإيقاعات اللاتينية زي السالسا والميرينجي وغيرها. ومش محتاج تكون راقص محترف علشان تستمتع بيها؛ كل اللي عليك إنك تتبع الحركة والإيقاع وتستمتع.أنا شخصيًا بحب أوصف الزومبا إنها تمرين مستخبي في حفلة؛ لأنك بتتحرك وبتتمرن جسمك كله، لكن في نفس الوقت بتحس إنك في حفلة. المزيكا والطاقة بيخلوا التجربة ممتعة جدًا.

س: مين أكتر شخص ممكن يستفيد من كلاس الزومبا؟

ج: أنا بنصح كل الناس إنها تجرب كلاس زومبا أو تتحرك بشكل عام، وخصوصًا الشخص اللي مش بيحب الجيم التقليدي أو بيزهق بسرعة من التمارين المتكررة.الزومبا مناسبة جدًا لأنها بتجمع بين الرياضة والمتعة والمزيكا الحلوة، فبتخلي الشخص يتحرك ويتمرن من غير ما يحس إن الموضوع روتيني أو ممل.

س: إيه أهم فائدة للزومبا من وجهة نظرك؟

ج: بالنسبة لي، أهم فايدة مش بس الجانب الجسدي. أكتر حاجة الزومبا غيرتها في حياتي كانت نفسيتي وحياتي الاجتماعية، وده شيء بشوفه دايمًا مع المتدربين بتوعي.ناس كتير بتيجي الكلاس بعد يوم طويل، شايلين ضغوط شغل أو مشاكل في الحياة، وبعد ساعة من الحركة والمزيكا والرقص بيخرجوا بطاقة مختلفة تمامًا، كأنهم قدروا يسيبوا جزء من الضغوط اللي كانوا شايلينها وراهم.كمان الزومبا عرفتني على ناس كتير جدًا، ومنهم ناس بقوا أصدقاء مقربين لي، وخلت الـCommunity بتاعتي تكبر بشكل كبير

.س: إيه اللي بيميز الـCommunity بتاع الزومبا؟

ج: أعتقد إن دي من أجمل الحاجات في الزومبا. كل الناس بتكون موجودة علشان نفس السبب: تتحرك، تستمتع، وتكون على طبيعتها.مفيش فرق بين حد وحد؛ الكل واقف جنب بعض، والكل بيشارك نفس الطاقة ونفس الشغف. وده بيخلي كلاس الزومبا مش مجرد وقت للرياضة، لكنه كمان مساحة للتواصل والطاقة الإيجابية والاستمتاع.

شاهد رابط انستجرام

https://www.instagram.com/ihedy?stkn=NGRuNWl2YTVkdWFx