×

شاهد حوار صحفي مع كوتش فاطمة سلامة عبر موقع الاهلي الان

https://pagead2.googlesyndication.com/pagead/js/adsbygoogle.js?client=ca-pub-0552476612244730

السوال الأول

عرف نفسك الأول

انا فاطمة سلامة عندى ٣٠ سنة خريجة كلية الزراعة جامعة بنها ، مدربة لياقة بدنية معتمدة من نقابة المهن الرياضية والأكاديمية الدولية للعلوم والرياضة بشتغل مهندسة مكتب فنى تصميم شبكات رى وسوفت سكيب و مدربة لياقة بدنية للسيدات والأطفال .

السوال التاني

بدأتي الرياضة إزاي وحبيتي الـ Fitness إزاي؟

سبب حبى للرياضة كان قدر اللهى من غير حول منى ولا قوة ، تأثرت بوفاة صديقة مقربة لى بالسرطان ومن بعدها كان عندى طلب متكرر بالدعاء أن ربنا يستخدمنى لمساعدة الناس وتحسين جودة حياتهم الصحية مع تجارب شخصية قاسية مريت بيها دفعتنى فى اتجاه التدريب الرياضى اللى كان له فضل كبير عليا بعد ربنا فى جوانب كتير فى حياتى الحمد لله عليها ..

السوال الثالث

. إيه فوائد تمارين الـ bar؟


تمارين ال Bar من ضمن التمارين اللى بيتم ممارستها فى الجيم أو فى صالات الكروس فيت وهى تمارين بتكون عن طريق البار الاولمبى أو أنواع مختلفة ، نقدر نستهدف فيها عضلات كتير تقريبا معظم عضلات الجسم زى تمارين ال Barbell Squat – Deadlift – Hip Thrust – Bench Press – Shoulder Press – Bent Over Row – Bicep Curl – Triceps Extension – Lunges – Romanian Deadlift – Shrugs – Calf Raises. ونقدر نحسن ونطور بيه عناصر لياقة بدنية مختلفة زى التحمل العضلى والقوة العضلية أو الضخامة ودا اللى بيحدده عدد التكرارات والحجم والكثافة التدريبة برنامج التدريب عامة …

السوال الرابع

4. هل المكملات الغذائية مضرة؟

المكملات الغذائية منقدرش نقول مضرة أو مفيدة هى زى كل حاجة فى حياتنا الإفراط فيها ممكن يسبب مشاكل كبيرة واستخدامها بإتزان مع إشراف اخصائي التغذية أو الدكتور نقدر ناخد منها اكبر نفع ممكن ، اهم حاجة نتأكد من مصدرها ومتكنش غير مصرح بها من هيئة الدواء وتكون ضمن احتياجنا الغذائي ومن اسمها مكمل غذائي يعنى بتكمل الناقص منه مش بديل عنه والمكملات الغذائية ممكن تكون فيتامينات و معادن أو حتى عناصر غذائية زى البروتين بودر وغيرها

السوال الخامس

5. هل لازم نستخدم Protein بعد التمرين؟

البروتين بعد التمرين مهم طبعا لأنه عنصر أساسي في بناء العضلات وإصلاح الألياف العضلية بعد المجهود، لكن مش البروتين لوحده المهم الجسم محتاج كل العناصر الغذائية ، البروتين لبناء وإصلاح العضلات ، الكربوهيدرات لتعويض مخازن الطاقة والجليكوجين ،الدهون الصحية لدعم الهرمونات وامتصاص الفيتامينات ، الفيتامينات والمعادن لدعم وظائف الجسم والتعافي .. فالقاعدة مش مجرد إننا ناكل بروتين بعد التمرين، لكن الأهم إننا نبص على تغذيتنا على مدار اليوم بالكامل ، أكلنا إيه؟ واحتياجنا من كل عنصر اتغطى ولا لسه؟ التغذية المتوازنة هي أساس الأداء الجيد والتعافي وبناء العضلات.

السوال السادس

6. تنصحي الناس تدخل Gym وFitness؟

اه اكيد بنصح كل الناس تخلى الرياضة روتين ثابت فى حياتها مش بس فترة مؤقتة علشان نخسر وزن زيادة أو العكس ، الرياضة روح الجسد والعقل ونصيحتي ديما أننا نختار نوع الرياضة اللى نقدر نستمر عليه ونحبه وانواع الرياضة كتير مش بس جيم وفيتنس المهم أن الإنسان يختار المناسب لظروفه وميزانيتة عشان يقدر يستمر

إرسال التعليق

You May Have Missed