​

س1: من هى الكوتش أميرة هشام وما هي مؤهلاتكِ وخبرتكِ في مجال اللياقة البدنية؟​
‎ج: أنا مدربة شخصية دولية معتمدة من
NASM Academy، وحاصلة على اعتمادات متخصصة من IASST في مجالات تدريب المدربين (Train of Trainers)، علم خسارة الوزن وبناء العضلات، وتصميم برامج تضخيم العضلات (Hypertrophy).
‎كما أنني حاصلة على اعتماد الهلال الأحمر المصري في الإسعافات الأولية ودعم الحياة الأساسي (CPR & AED).
H2o gymوعملت في
‎وحالياً أتخصص في التدريب الأونلاين وأقوم بدراسات إضافية متقدمة في تأهيل الإصابات والتغذية الرياضية.

‎​س2: ما الذي دفعك لدخول مجال الفتنيس والتدريب بهذا الشغف؟​
‎ج: قصتي بدأت من تجربة شخصية فقد وصل وزني من قله الحركة والاكل الغير صحى إلى 115 كيلوجراماً. فقررت التغيير، نزلت الجيم ونجحت في خسارة 40 كيلو لأصل إلى 75 كيلو في 6 أشهر فقط. وللأسف، بسبب غياب العلم في بداياتي ورفع أوزان ثقيلة، تعرضت لإصابة في الفقرات القطنية. هذا الموقف دفعني لدراسة التأهيل الرياضي بعمق لأعالج نفسي بنفسي، ومن هنا قررت أن أسخّر علمي وخبرتي لمساعدة مئات الستات للوصول لأهدافهن بأمان ودون إصابات.

‎​س3: ايهما أفضل للتمرين: البار أم الدامبل؟​
‎ج: مفيش حاجه اسمها أيهما أفضل بشكل مطلق؛ الاختيار بيعتمد على هدف التمرين، ومدى تحكم العميل في الحركة، وقوة وثباته، ومستواه العام.لكن عموماً، البار بيساعد أكتر في الثبات والاستقرار مقارنة بالدامبل، وبتقدر تزود فيه الأحمال بسهولة، وتحكمك في مسار الحركة بيكون أسهل، عشان كده هو الأنسب للتمارين المركبة زي الـ Squats والـ Deadlifts.

‎س4: هل المكملات الغذائية مضرة؟ ومتى نحتاجها؟

‎ج: المكملات مش ضارة في حد ذاتها، وده بيعتمد على احتياج العميل، والجرعة المناسبة، ونوع المكمل، وحالته الصحية.

‎· الكرياتين: دراسات كتير أثبتت إنه آمن بشكل عام للأشخاص الأصحاء طالما بتاخده بالجرعة الصح، وبيساعد في زيادة القوة العضلية والتحمل والاستشفاء.

‎ لو بتاخد كفايتك اليومية من البروتين من الأكل العادى( البيض – الفراخ- اللحمه – السمك) يبقى مش هتحتاج whey protein

‎القاعدة العامة: لو الشخص سليم ومش بيعاني من مشاكل في الكبد أو الكلى أو أمراض مزمنة، فالمكملات ممكن تساعده عند وجود احتياج فعلي. أما أصحاب الأمراض المزمنة، فيجب عليهم استشارة الطبيب أولاً. س٥ / ما هي فرق بين مكملات و الهرمونات؟
‎ج/ناس كتير بتلخبط بينهم، لكن الفرق كبير جدًا :المكملات الغذائية زي البروتين والكرياتين والأوميجا 3 ممكن تساعدك تكمل احتياجات جسمك وتحسن الأداء والتعافي، يعنى دعم للنظام الغذائى والتدريب وليس بديلا عنهم لكن الهرمونات والمنشطات البنائية فهي بتأثر بشكل مباشر على الجهاز الهرموني، واستخدامها بدون ضرورة وإشراف طبى متخصص ممكن يسبب أضرار ومشاكل صحية كبيره

‎​س٦: هل يجب تناول البروتين فوراً بعد الانتهاء من التمرين؟​
‎ج: مش لازم فوراً في اللحظة التالية للتمرين. لو انت واخد وجبة غنية بالبروتين قبل التمرين بفترة مناسبة، تقدر تأخر وجبة ما بعد التمرين شوية وتاخد احتياجك من الأكل العادي (فراخ، بيض، تونة، أو لحمة) أو الـ Whey Protein، المهم في النهاية تحقيق جرامات البروتين المطلوبة منك خلال اليوم كله لتحقيق هدفك.

‎​س٧: ما هي نصيحتكِ الأخيرة لكل شخص بعيد عن الرياضة؟​
‎ج: أنصح الناس إن الرياضة شيء أساسي في حياتنا مش رفاهية. الجيم والنشاط البدني من أفضل الحاجات اللي هتساعدك تلتزم بأكل ونوم صحي، وهتغير حياتك 180 درجة؛ لأن الرياضة بتفرز هرموني الدوبامين والإندورفين (هرمونات السعادة) بيساعد تتخطى ضغوط الحياة. وسط زحام مشاغلنا، لازم نفتكر دائماً” أن لبدنك عليك حق”، وأبسط حقوقك إنك تكون بصحة جسدية ونفسية ممتازة.

.

​

https://www.instagram.com/princess.amira.5623?stkn=NTMyYmQ5N2xlODFj