س: كيف بدأتِ رحلتك مع الرياضة وحب للجيم؟
ج: من وأنا صغيرة، ماما كانت شخصية رياضية جدًا، كانت بتشارك في بطولات الرمح والجلة والوثب والعدو لمسافة 100 متر، فكبرت وأنا بحب الرياضة على أساسها. بدأت بلعب كاراتيه ووصلت لأحزمة بألوان مختلفة، وهناك اكتشفت إن الرياضة مش بس جسم قوي، لكنها كمان بتأثر في النفسية والثقة، ومن هنا تحول الأمر لشغف خلاني أدرس المجال وأطور نفسي فيه علشان أساعد الناس توصل لهدفها بطريقة علمية وصحيحة.

س: إيه اللي بيميز أسلوبك في التدريب عن غيرك؟
ج: أكتر حاجة بتميزني إني بخلي الكلاينت يفهم جسمه ويحب الرياضة، مش مجرد أداء تمرين وخلاص. الهدف عندي إن الشخص يتعلم يسمع لجسمه ويختار الوزن المناسب، لأن الأداء الصح أهم من رفع وزن كبير.

س: إيه الفرق بين تمرين الشولدر وتمرين الباك؟
ج: الشولدر والباك عضلات مختلفة تمامًا، وكل مجموعة عضلية ليها

: إيه الفرق بين تمرين الشولدر وتمرين الباك؟ج: الشولدر والباك عضلات مختلفة تمامًا، وكل مجموعة عضلية ليها حركات معينة. تمرين الشولدر بيركز على تقوية الكتف وبيخلي شكل الجسم متناسق، أما تمرين الباك فبيستهدف عضلات مسؤولة عن حركة وثبات الظهر، وكل تمرين ليه وظيفة محددة في بناء الجسم بشكل متوازن.

س: نصيحتك للناس اللي لسه بتبدأ في الرياضة؟

ج: أهم حاجة إن الرياضة تكون لايف ستايل، مش مرتبطة بسن أو شكل معين. اللي بيبدأ ما يستعجلش النتيجة وما يقارنش نفسه بحد تاني، لأن كل جسم مختلف. الاستمرارية والالتزام هما المفتاح، ومع الوقت هتشوف النتيجة اللي بتحلم بيها.