أنا رُوان — aerial hoop, yoga & flexibility instructor قضيت سنين طويلة في عالم الماركتنج، بين مصر، السعودية، أمريكا وكندا — شغل كبير وخبرة حلوة، بس جوايا كان فيه صوت بيقولّي إن فيه حاجة ناقصة. روتين، ضغط، وحياة بتمشي بسرعة من غير ما أتنفّس فيها

لحد ما قررت في يوم أروح كلاس aerial hoop، ومن أول لحظة اتعلّقت فيها في الهوا… حسيت إني حرة.. مكنتش مجرد رياضة، دي حاجة بعبّر بيها عن نفسي. ساعتها قررت ما أبطّلش. فضلت أتعلّم، وكنت مبهورة بالـ instructors بتوعي وبروحهم الحلوة وبعد ٣ سنوات من التمرين، أخدت أول شهادة وبقيت aerial hoop instructor في Project Pole

بعدها كمّلت وأخدت شهادة معتمدة في الـ aerial yoga — وصدّقوني، إنك تعملي يوجا في الهوا من أحلى الحاجات اللي ممكن إنسان يعملها في حياته

وعلشان كده قررت أعمل مكان للبنات يقدروا يمارسوا فيه كل أنواع الـ aerial arts، والرسم، والفن، ويعبّروا عن نفسهم — مساحة آمنة لكل ست تتحرّك في الهوا، تعبّر عن نفسها، وتلاقي سلامها النفسي. و هستناكم كلكم هناك قريب