شاهد مدربة مريم حمدي لليوجا تتحدث عن حياتها الرياضية داخل موقع الاهلي الان
كابتن مريم حمدي
٢٧سنة
مدربه يوجا معتمده دوليا حاصله علي ٢٥٠ ساعه دراسه من yoga alliance وممارس علاج شعوري بتقنيات PEAT معتمد من مدرسه Spiritual technology ومدربه لياقة بدنية ومدرب شخصي معتمد من ereps وحاصله علي دبلومه تغذيه علاجيه من اكاديميه زويل للعلوم …
بدات تمرين وجيم من ٢٠١٥ وقتها كنت شايفه نفسي وزن عالي جدا و بعدها محتاجه انزل جيم و اعمل دايت قاسي جدا وكنت مقتنعه جدا رغم ان وزني كان قليل بس ماكنتش شايفه كدا الا ان اكتشفت بالوقت تاني عندي مشكله مع اكل ونظرتي لنفسي وان كل المشاعر الي حساها دي مش حقيقيه وحاولت كتير اتغلب عن الموضوع لكن معرفتش وعدت السنين وانا مستمره في جيم بشكل قاسي جدا وبدات احضر كلاسيز يوجا واتفرج علي كلاسيز يوجا علي يوتيوب ومكمله في دراستي العاديه بس كنت دايما حاسة ان في حاجه ناقصه واني فمكان مش شبهي واشتغلت في مجال دراستي الي هو التدريس وبرده كنت دايما حسه اني مش مبسوطه وقتها قررت اني هوقف وهدور علي نفسي الحقيقية واطور من نفسي وافهمني اكتر وبدات اقرا كتب تنميه بشريه وعلم نفس كتير لحد ماتكون عندي الوعي الكافي الي يخليني اقرر اني لازم ادور علي شغفي وقتها اكتشفت ان شغفي واكتر حاجه بنسي فيها الوقت هو الجيم واليوغا …
وقتها بدات اتعمق في اليوجا اكتر وفلسفتها ومن هنا كل حاجه اتغيرت تماما قدرت اتغلب علي مشكلتي مع الاكل قدرت احب نفسي اكتر وافهمها واقدرها لقيت ان اليوجا مش بس بتشغل الجسم كله وبتعلي اللياقه والمرونه دي كمان بتشتغل عالجانب الروحي والعقلي وبتعمل تجانس بين روحك وجسدك وعقلك هي بتوازن طاقه الانسان وبتدخله جوه نفسه وتخليه عنده وعي رهيب تجاه نفسه وكمان بتعالج امراض كتير نفسيه وجسديه هي مش رياضه هي فلسفه واسلوب حياه وقتها قررت اني مش عايزه اوقف الشعور دا عندي وبس واني عايزه اساعد اكتر عدد من الناس انهم يتعرفوا علي نفسك ويحسوا بالتناغم والتجانس الي اليوغا بتعمله والرياضه عموما بتعمله في حياه الانسان واخدت كورسات كتير فالمجال وعملت شيفت كارير واخدت كورسات في العلاج الشعوري علاج الصدمات وتحرير المشاعر وشفاء الطفل الداخلي ديما كان ومازال هدفي الاول والاخير اني اساعد الناس توصل لنفسها الحقيقيه وتتخلص من مخاوفها وتتعافي من الصدمات الي ديما بتعجزنا في كل حاجه في طريقنا في رحله الحياه والحمد لله حاليا شغاله Personal trainer في troy gym بحلوان وبعمل كلاسيز يوجا ومادتيشن اونلاين وايفنتات ودي بس لسه البدايه باذن الله هكمل فالطريق
تعليق واحد