الرياضة للجميع.. لأن الرياضة أسلوب حياة مش مجرد تمرين مع كوتش مريم أسعد
1. عرفينا بنفسك الأول:
أنا مريم أسعد، باحثة دكتوراه في علوم الصحة الرياضية كليه علوم الرياضه بجامعة دمياط، . أنا Fitness Coach ومتخصصة في الـ Body Recomposition اعادة تشكيل الجسم والتدريب المرتبط بتحسين نمط الحياه الصحى والـ Strength Training
اشتغلت في المجال الرياضي اكتر من ١٥ سنه، وعندي خبرة في تدريب السيدات، واهتمام خاص بتدريب ما قبل وبعد الولادة، ومشاكل ضعف عضلات الـ Core والانفصال العضلي. وبالنسبة لي التدريب مش مجرد شكل جسم، لكنه صحة وجودة حياة.
2. بدأتي الرياضة إزاي وحبيتي الـ Fitness إزاي؟
دراستي في التربية الرياضية كانت البداية، لكن حبي الحقيقي للمجال اتكوّن مع الممارسة والاحتكاك بالناس وفهم تأثير الرياضة على حياتهم. ومع الوقت اكتشفت إن الـ Fitness مش مجرد تمرين أو خسارة وزن، لكنه علم كبير بيجمع بين الحركة والتغذية والصحة النفسية والبدنية. وأكتر حاجة حببتنى في المجال إني أشوف التغيير الحقيقي في جسم السيدات وتأثير ده على شخصيتها وثقتها بنفسها وقدرتها على الحركة والحياة بشكل أفضل
السوال الثالث
إيه أبسط أنواع الرياضة اللي ممكن نمارسها يوميًا ونقدر نستمر عليها؟
أنا شايفة إننا نقدر نبدأ بأنشطة بسيطة، لكن تأثيرها مهم جداً على صحتنا، زي المشي اليومي، وتمارين التنفس بشكل صحيح لتحسين كفاءة التنفس والتحكم في عضلات الجذع وممكن نضيف تمارين Pilates بسيطة ، زي الـ Pelvic Tilt والـ Dead Bug والـ Cat-Cow، بتساعد على تحسين التحكم في عضلات البطن،، ومرونة العمود الفقري وبتركز على الإحساس بوضع الحوض والتحكم فيه، وده بيساعد على تحسين ثبات الجسم والتحكم الحركي ممارسه السباحه كمان، لأنها بتوفر مقاومة طبيعية من الماء، وبتحسن التحمل العضلي وكفاءة القلب والتنفس، وبتشغّل عضلات الجسم بالكامل مع حمل أقل على المفاصل ومش شرط بشكل يومى، المهم الانتظام. الفكرة مش إننا نبدأ بتمارين صعبة، لكن إننا نبدأ بحركة صحيحة ووعي أفضل بجسمنا، ونبني عليها تدري
السوال الرابع
هل المكملات الغذائية مضرة؟
فى الحقيقه المكملات الغذائية مش مضرة في حد ذاتهاالفكره انه مش كل مكمل مناسب لكل شخص المشكلة بتكون في الاستخدام العشوائي، أو الجرعات غير المناسبة، أو استخدام منتجات مجهولة المصدر لازم نفهم إن الـ Supplements اسمها مكملات، يعني بتكمل نظام غذائي متوازن مش بتستبدله، والأفضل استخدامها بناءً على احتياج حقيقي وتقييم متخصص ولازم نفرّق بين الـ Dietary Supplements وبين ال supplements اللى زى البروتين والفيتامينات والمعادن، وبين الـ Dietary Supplements زى الحقن الهرمونية والمنشطات ومحفزات الأداء؛ لأن دي فئات مختلفة تماماً، وليها تأثيرات ومخاطر مختلفة، ومينفعش نحطهم كلهم تحت مسمى مكملات غذائية. وفي النهاية، المكملات دورها تكملة النظام الغذائى فى حالة الاحتياج لده ، مش إنها تكون بديل للأكل.
السوال الخامس
هل لازم نستخدم Protein بعد التمرين؟
مش لازم نستخدم Protein Supplement بعد كل تمرينة الجسم محتاج البروتين علشان Muscle Repair وMuscle Recovery وبناء العضلات لكن الأهم هو إجمالي احتياجك اليومي من البروتين مش مجرد توقيت تناوله. ممكن تحصل على احتياجك من الأكل الطبيعي زي البيض والفراخ والأسماك واللحوم ومنتجات الألبان ولو مش قادر تغطي احتياجك من الأكل ، هنا ممكن يكون الـ Whey Protein اختيار عملي ومناسب أتحرى المصدر اهم حاجه
السوال السادس
تنصحي الناس تدخل جيم وتمارس Fitness؟
أنا بشجع أي حد إنه يدخل الرياضة في حياته، لكن مش شرط خالص إن ممارسة الرياضة تكون مرتبطة بالجيم أو الاشتراك في مكان معين ممكن تبدأ بالمشي في الشارع، أو تمارين بسيطة في البيت، أو Pilates أو أي نشاط حركي بتحبه وتقدر تستمر عليه. الفكرة مش إنك تتمرن بأعلى شدة أو توصل لشكل جسم معين، الفكرة إنك تحافظ على جسمك، وتقوي عضلاتك، وتحسن كفاءة قلبك وتنفسك وحركتك. الرياضة مش رفاهية ولا مجرد وسيلة لتغيير شكل الجسم، دي أسلوب حياة واستثمار في صحتك وجودة حياتك مع الوقت.
إرسال التعليق