السوال الأول
عرف نفسك الأول

انا منه الله ايمن محمد عندي 25 سنه من المعادي
Yoga and pilates instructor

السوال الثاني
ابتدأت رياضة ازاي و حبت يوجا ازاي

الموضوع بدأ معايا بصدفه, كنت بحب الافلام الهندي ف كنت بتفرج علي قناه زمان اسمها zee alwan
القناه دي جابت مره برنامج لليوجا , قولت اشوفه
ومن ساعتها بقا وانا قلبي متعلق بيها
كنت بصحالها الساعه 5 الفجر عشان كانت بتيجي ف الوقت ده, ويبقا بعديها في مدرسه ( كنت في اولي اعدادي)
لحد ما وقتها بدأت الاحظ فرق فعلا , عضمي نفسه كان اقوي والمرونه عندي زادت جدا لدرجه فتحت حوض مع نفسي من غير مساعده
الشغف بيها بدأ من المرحله دي
بدأت اعمل سيرش كتير عنها واشوف الشكل التشريحي للجسم وازاي سيشن اليوجا بيبدأ وازاي بينتهي
لحد مابقا عندي خبره عاليه جدا فيها وانا في الصف تالته ثانوي
لاني 6 سنوات بمارسها و6 سنوات بتعلم عنها
كبرت ودخلت كليه تربيه رياضيه لان ده شغفي
وبدأت اتعمق اكتر في اليوجا ولاقيت ليها جانب تاني بيتعامل مع العقل عن طريق التأمل والتركيز وجزء تاني بيشتغل علي الترومات القديمه المتخزنه في الجسم اللي بتكون مسؤوله بشكل كبير عن التيبس اللي بيحصل في الحوض ووجع الكتف واخر الضهر ( ال3 اماكن دول تحديدا هما اللي بيتخزن فيهم التروما )

بعد كدا تحولت اليوجا معايا لاكتر من رياضه بمارسها جسمي , هي بقت زي عاده يوميه لازم تحصل لو معملتش السيشن بتاعي بحس ان يومي ناقص واني مش انا

السوال الثالث
ايه فرق تمارين يوجا و air yoga

نيجي بقا لأنواع اليوجا
اليوجا فيها انواع كتير جدا
عندنا
Hatha yoga
Vinyasa yoga
Ashtanga yoga
Air yoga
Yin yoga
وفي انواع تانيه بس دول الاكثر شهره

اكتر حاجتين الناس بتعملهم ف مصر هما ال air yoga وال vinyasa flow
لان دول اكتر نوعين سهل التعامل معاهم وسهل الواحد يتقنهم وفيهم كل الاساسيات بتاعت اليوجا

السوال الرابع
هل تدريب يوجا حسيت فرق

اليوجا ع عكس اي رياضه تانيه , دي لازم فيها حاجه بنسميها flow يعني لازم السيشن يكون كلو متوصل ببعضه كل حركه بتسلم التانيه مينفعش مثلا اكون ف بلانك واقوم علي طول اعمل سكوات
في حركات انتقاليه بتحصل ف النص عشان نوصل للحركه الاساسيه
واللي بيكون متمرس ف اليوجا بيكون عارف كويس جدا الحركه الجايه هتبقا ايه

اليوجا اكتر حاجه بتشتغل عليها هي عضلات الcore ومرونه الجسم كامل والتوازن
ال3 حاجات دول اساسين في كل سيشن

السوال الخامس
تنصح الناس دخول يوجا

انصح الناس طبعا بدخول اليوجا , لان حياتنا اساسا بقت سريعه زياده عن اللزوم
الناس محتاجه ساعه ف اليوم تكون هاديه فيها
بتتنفس صح , بتدي الحركه حقها , بتحس بكل مكان ف جسمها بيشتغل وبيستفيد , بتريح مفاصلها واوتارها من التشنج
لكن حتي الوقت اللي بنلعب فيه رياضه بتكون كلها تنشن
مبقولش ان اليوجا كلها هاديه
ع سبيل المثال في كارديو يوجا ممكن تخليك يومين مش عارف تتحرك بسبب وجع عضلاتك ( وجع صحي طبعا )
ومبقولش منروحش الجيم ومنتمرنش
لكن لازم اليوجا تكون ع الاقل مرتين ف الاسبوع
دي حتي بتشتغل ع صحه الجهاز الهضمي
هي حرفيا بتوصل لاعمق نقطه , واللي ميعرفهاش ممكن يقول اني ببالغ
لكن دي عن تجربه اولا ثم عن كلام ابحاث ثانيا
في النهايه كل واحد بيقدر يعرف هو حابب رياضه ايه , المهم نلعب رياضه لانها مش رفاهيه دي اساس

https://www.instagram.com/menna_aymaannn?psln=bDl5ajhldXkzM2oz