الاسم : اميرة شحاتة

الرياضة.. رحلة اكتشاف الذات

المحاور: الرياضة بالنسبة لك مجرد هواية ولا أكتر من كده؟
أنتِ: الرياضة بالنسبة لي شغف حقيقي، كل ما بوصل لنهاية سباق برجع أبدأ سباق جديد. التحدي بيزيد والمتعة بتكبر. بدأت أول مرة أجري ٢ كيلو، وبعدها بقت ٥ ثم ١٠، لحد ما وصلت للهاف ماراثون ٢١ كيلو، وأخيرًا الماراثون الكامل ٤٢ كيلو.

المحاور: إيه اللي بتكتشفيه مع كل سباق جديد؟
أنتِ: بتكتشفي نفسك. بتعرفي أن صبرك وإصرارك أكبر من توقعاتك. الجري بيخليك تحط أهداف من غير سقف، وتعرفي بنفسك أخرك فين. المستحيل بيبقى ممكن عادي، وده بينعكس على حياتك كلها.

المحاور: يعني الرياضة أثرت على حياتك الشخصية كمان؟
أنتِ: جدًا. لما عقلك يصدق أنك تقدر، بتقدر تعدي أزمات صحية ونفسية، وبتتجاوز صعاب كتير. أول خطواتك في الجري مش مجرد حركة، لكنها إزالة للإحباط وبداية يقين في نفسك.

المحاور: بداية القصة كانت إزاي؟
أنتِ: بدأت بسؤال بسيط على فيسبوك: “يا ترى أعرف أشارك في ماراثون جري؟” ومن هنا حد عرفني على فريق جري، نزلت واتمرنت، وشجعت أصحابي ينزلوا. حياتي اتغيرت، مبقتش مجرد شغل، لكن نشاط ودراسة عليا في الجامعة الأمريكية، ومع أول سنة أخدت أول ميدالية سنة 2021.

المحاور: وبعد الماراثون؟
أنتِ: دخلت مرحلة جديدة: الترياثلون. سباق ثلاثي (سباحة، عجل، جري). اتعلمت السباحة رغم خوفي من البحر، وبعدها تعلمت ركوب العجلة وأنا عندي 30 سنة! وحققت أول سباق ترياثلون في 2024، وكمان شاركت في تنظيم أول Ironman في مصر.

المحاور: إيه أهم الدروس اللي خرجت بيها؟
أنتِ:

• مفيش حاجة اسمها سن محدد للبداية.
• الخوف علاجه الوحيد التجربة، مش التفكير.
• لازم نحلم من غير حدود ونكتشف نفسنا من غير قيود.

.