انا كابتن غادة عبد المحسن
انا بكالوريوس تجارة قسم محاسبة .
مجال مختلف تماما عن المجال الرياضى
بس الرياضة وتصميم الرقصات بالذات كانت هواية عندى من صغرى بدءت فى المدرسة لما دخلت فرقة المرشدات وكنت من ضمن البنات اللى تم اختيارهم لمسابقة أفضل فرقة على مستوى المدارس فى ال Dance
و اخدنا مركز الاول وقتها ..
وبعدها شافونى بالصدفه جروب Fitness من روسيا فى فندق فلسطين فى اسكندرية وشافوا عندى موهبه وفضلت معاهم طول اجازتى بنعمل Classes Zumba لل Guest فى الفندق
وساعتها لفتوا نظرى انى ليه محولش الهواية دى وتبقا مهنتى وشغلى فالمستقبل طالما بحبها وعندى الشغف دا كله ..

طبعا حاجات كتير عطلتنى عن شغفى دا ..
بس فى يوم اخدت القرار انى مش هخلى حاجه تانى تعطلنى واخدت كورسات عشان متبقاش موهبة وبس .. لا كمان ابقا دارسة وفاهمه كويس قبل ما بدأ فى الشغل.

● My Certificates are ::

• Certified Fitness Trainer (CFT) from IATD ACADEMY
• Technical & Theoretical Training from Evolution Training Center
• Certificate ICHOREO Star Instructor Approved By NASM & AFAA ( BOLLYWOOD, BRAZILIAN FUNK,MIDDLE EASTERN ,PLYOMETRICS, AGILITY, HIP HOP, SAMBA, TAEBO, AFRO & LATIN Dance )
• Nutrition from IASST
• Step & Toning from Marco Prudu (Move Academy)

ومش بس كدا بحثت كتير ودرست فى مجال ال Yoga وال Pilates
وحبيت أووى متعة ال Meditation والفصل بين الواقع والخيال وقررت ابدأ فيهم والحمد لله نجحت إنى اعمل كدا ..
فتحت أكاديمية شاملة جميع الرياضات ومهارات وأنشطة كتير للسيدات والأطفال . لكن للأسف فيروس كورونا ظهر فجأة والمكان طبعا اتقفل زى حال ناس كتير وقتها..
وطبعا عشان انا معرفش الانهزام قررت اشتغل Free Lancer ومش هخلى اللى حصل ده يوقفنى ولا يحبطنى.
وفعلا اشتغلت فى اكتر من مكان فى إسكندرية وبدءت الناس تعرفنى واحده واحده .
ولسه الحلم بيكبر ولسه الشغف بيزيد كل يوم لانى بحب شغلى وبحب اكتر النتيجة اللى بشوفها على اى Client عندى وبفرح لما بلاقى حد منهم بيدعيلى وببقا فخورة انى قدرت اغير حياتها للأحسن . سواء كانت سيدة أو طفل ..
انا مش بشتغل مدربة لمجرد انها شغلانة والا كنت كملت فى الحسابات .. انا دخلت المجال ده لأنى مؤمنة ان الرياضة قادرة تغير حياة كاملة وتقلبها 180 درجة للأحسن . ولأنها عشقى وشغفى اللى عمره ماهينطفى