دكتورة نورهان محسن عبد الحميد

دكتورة علاج طبيعي

عندي تخصصين اصابات ملاعب و تخصص مش معروف اوي في مصر علاج طبيعي أمراض النساء و الولادة

و كان عندي مشكلة بسبب قلة التخصص إني آخد خبرة من مراكز فا كان كله اجتهادات شخصية و اثناء رحلتي في علاج مريضة سقوط مهبلي من الدرجة الثالثة لاقيت دراسات و أبحاث معظمها عن اليوجا لعلاج الحالة و عشان اخد كورس معتمد معظمه برة مصر و عندي مشكلة في السفر و عشان كدة خدت كورس يوجا معتمد دوليا من مدرسة سندريلا عشان أضيفه في مهنتي و في نفس الوقت لنفسي لأني مارسته فترة في الچيم و فرق في نفسيتي و صحتي

أنصح كل الناس و بالأخص السيدات ممارسة رياضة اليوجا لانها مهمة جدا لتحسين النفس الصحيح اللي ليه دور كبير في تقليل التوتر و الضغط النفسي اللي أصبح أهم أسباب معظم الأمراض المناعية زي الفايبرمايالچليا و الروماتويد و مهمة جدا للسيدات الحوامل حيث تحميها من إصابات عضلات قاع الحوض فيما بعد الولادة و التقدم في العمر زي السقوط المهبلي و السلس البولي و الانفصال العضلي لعضلات البطن و اليوجا مهمة جدا لزيادة قدرة العضلات ع التحمل حيث تستطيع ممارسة مهامك لفترة طويلة من غير أي تعب و ليها دور لعلاج حالات مزمنة تماما مثل السكر و الغدة حقيقي اليوجا ليها دور لتغير حياة إنسان كاملة و ليس مجرد رياضة