الأسم كوتش محمد السقا

مدرب جري وفتنيس وجيم كلية الهندسة جامعة الأسكندرية قسم ميكانيكا حاصل على شهادات معتمده cft من انجلترا والولايات المتحدة في التدريب والتغذية الرياضية والمساج والاصابات الرياضية وعلم الحركه والبايوميكانك في تقنين الاوزان والتدريب الوظيفي اشتغلت في مصر وفي عمان البدايه كانت في استاد جامعة الأسكندرية مدرب جري وفتنيس ساعدت في تأهيل ناس كتير بفضل الله للالتحاق بنوادي كبيرة زي الاهلى والزمالك وحققو ارقام قياسية في الجري لمسافات طويلة كتير من الناس بتقول الجري اي حد ممكن يتطور فيه بنفسه بس هتلاقي نقطه تقف فيها وتحتاج مدرب معاك يكون فاهم ايه الحاجه اللي نقصاك عشان تتطور تتمرن مرتفعات ولا تجري رمله ولا تقويات لعضلات معينه فيها تقصير كل مجال وليه المختص فيه بعدها بدأت ادخل مجال التدريب في الجيم طبعا كان عندي خبره قديمه من كباتن كبار بس كان لازم اخد خطوة التعلم بلتشريح والأبحاث العلميه عشان اقدر اوصل العميل عندي لافضل نتيجه في اقل وقت وبأقل تكلفه ممكنه ورغم كل التحديات نجحت في ده الحمد لله واشتغلت في ٤ جيمات مختلفه في اسكندرية وعملت قاعده كبيره من المتدربين وزادت الخبره والحمد لله سافرت عمان واشتغلت في اكبر النوادي هناك زي Flex gym و Qra gym مع اني مهندس ميكانيكا بس حبيت الرياضه لأني بطل جمهوريه في مصر وبشارك في ماراثون من ٢٠١٤ لحد اليوم في عمان حبي للجري بيجري في دمي والاكثر فرحتي لما متدرب عندي يوصل لهدفه اللي تعب عشانه رغم انه في الاول قال كتير مش هقدر اوصل فقبل كل حاجه اصرارك على الوصول للهدف هو مفتاح النجاح متلومش مدرب قبل ماتشوف نفسك قصرت ولا لا ومش عيب تغير المدرب ممكن تكون واقف في مستوى ومحتاج مدرب تاني عنده علم مختلف يعرف نقطة ضعفك ويكمل معاك الطريق التحول بياخد وقت كبير الفكره مش في كمية التمرين في اليوم او الساعه الفكره انك لو اتمرنت دقيقه واحده حتى بس لمدة سنين جسمك هيتطور ويحافظ علي تقدمه كان هدفي اشتغل حاجه بحبها طول عمري متفكرش في الناس هتقول عليك ايه وانت في الطريق شوف نفسك لما تنجح وتوصل لخط النهاية هيقولو عليك ايه يابطل نصيحه مني للشباب متيأسش ابدأ رياضه من النهارده قبل بكره وغير حياتك للأحسن انت بطل حياتك 💪

https://www.instagram.com/alsaka_gym?igsh=MW80cTl5bWpzeDVzYw==