أنا يمنى مؤمن، مدربة يوجا. رحلتي مع اليوجا بدأت وأنا داخلة ثانوية عامة، في وقت مليان ضغط وخوف من المستقبل. كنت بدور على رياضة تساعدني أقلّل التوتر، وبالصدفة حضرت أول كلاس يوجا… والصدفة دي غيّرت حياتي كلها.

اليوجا بالنسبة لي ما كانتش مجرد مرونة أو حركات أو Poses. اكتشفت إنها بتشتغل على النفسية والعقل قبل الجسم بكتير.

• تمارين التنفس والمُديتيشن ساعدوني أهدى وأسمع نفسي.
• بدأت ألاقي مساحة خاصة بيّ، أتنفس فيها وأتواصل مع ذاتي.
• اليوجا علّمتني السلام والهدوء، وإن الإنصات للجسم أهم من أي إنجاز سريع.
• تعلمت إن لما الحركة تكون صعبة، مش لازم أضغط على نفسي. أديها وقتها، ومع الاستمرار بتيجي. ولما بتيجي؟ الإحساس بيكون مختلف… إحساس إنك انتصرتي على نفسك.
• لما شفت قد إيه اليوجا غيّرتني، حسّيت إن لازم أوصل الجمال ده للناس. بدأت رحلتي التدريبية:
• كورس 50 ساعة.
• شهادة الـ200 ساعة من Yoga Alliance USA مع معلمتي سندريلا.
• الرحلة دي كانت من أجمل الحاجات اللي حصلتلي، وغيّرتني من جوه بطرق عمري ما كنت أتخيلها.
• الخاتمة دلوقتي دوري إني أحبّب الناس في اليوجا، وأوصلهم للسلام اللي اليوجا وصلتني ليه. وللي حابب يبدأ يوجا أو يجرب أول كلاس، يقدر يتواصل معايا على إنستجرام.
• https://www.instagram.com/yomnamoamen13?igsh=MWltNjVzZDAyZndqaw==