رحلتي مع اليوجا – شيماء حلمي

زي ما بيقولوا، اليوجا خطفتني في وقت قصير، رغم إن الرياضة كانت جزء من حياتي من زمان.

كنت بتمرّن CrossFit وflexibility، عمري ما كانت مشكلتي في التمرين أو الحركة.

لكن رغم كل ده، كنت دايمًا حاسة إن في حاجة ناقصاني… في حاجة جوايا بدور عليها، مش لاقياها.

بداية الرحلة كانت من ورشة تعريفية بسيطة عن اليوجا… عن معناها، عن روحها.

سمعت الكلمات وكأني بسمع صوت قلبي لأول مرة. كنت مستمتعة بكل تمرين، وبكل سيشن بحضرها.

بعدها بدأت أحضر ورش أكتر، وكل مرة كنت بجوع أكتر للمعرفة: عن نفسي، عن جسمي، عن روحي.

وقتها عرفت المعنى الحقيقي لليوجا:

‏“Union of body, mind, and soul”

اتحاد الجسد والعقل والروح.

مع كل نفس، ومع كل حركة، كنت بقرّب من نفسي أكتر.

كنت بسمع صوت روحي، بفهم مشاعري، وبحس بنِعم ربنا عليّ بعمق جديد.

بدأت كورس الـ200 ساعة في مدرسة سندريلا، ووقتها مكنش في بالي أكون Yoga Teacher…

كنت داخلة علشان نفسي، علشان أرجّع التوازن جوايا.

ومن خلال الرحلة دي، اكتشفت معنى السلام الداخلي الحقيقي…

إزاي أكون هادية وسط دوشة العالم، إزاي أرجع لحقيقتي، وأفصل عن كل اللي بيشتّتني.

وبعد ما جمعت معرفة، وطاقه صافية، وحسيت بتأثير التجربة على حياتي،

قررت أبقى Yoga Instructor…

أشارك كل اللي عرفته، وأساعد أي شخص بيدوّر على نفسه جواه.

لإني مؤمنة إن اليوجا مش بس جوه المات…

اليوجا بتبدأ برّه المات… من طريقة تفكيرنا، إحساسنا، واختياراتنا اليومية

شاهد تمارين يوجا عبر انستجرام

https://www.instagram.com/bloomandbreathe2025