شاهد ** كوتش نهلة فؤاد : مدربة فتنيس دانس تسعى لرفع وعي الأجيال القادمة بالرياضة والعلم
كابتن نهلة فؤاد
مدربة فيتنس داخل نادي الصيد فرعي الدقي و 6 اكتوبر
حاصلة علي شهادات:
Theoretical and practical exams in group fitness instructor course
Dance fusion workshop
HSH (health safety and hygiene) CPA and First Aid course
********************************
اكتشفي نفسك من جديد مع كلاس
“Fitness Dancing” في نادي الصيد
بقلم: نهلة فؤاد – مدربة ومحبّة للرياضة والحياة ..
لو انتي زيي… بتحبي الرقص والرياضة ، وحابة تحافظي على لياقتك، وتفصلي شوية من ضغط اليوم، فـ “Fitness Dancing” هو المكان المناسب ليكي.
أنا نهلة، مدربة زومبا وفيتنس، وبشتغل بقالى أكتر من ١١سنة في مجال الرياضة، خصوصًا مع البنات والسيدات اللي عايزين يغيروا مودهم، يحسوا بأنوثتهم، ويرجعوا يحبوا جسمهم تاني.
الكلاس ده مش مجرد تمرين… دي تجربة كاملة
الكلاس بيجمع بين حركات الزومبا الراقصة، وتمارين الإيروبكس، ومعاهم لمسة من الرقص الشرقي اللي بيخلي الجسم يتحرك بانسيابية وأنوثة.
وإحنا مش بنلعب رياضة وبس… إحنا بنضحك، بنرقص، بنفصل، وبنخرج من الكلاس بطاقة مختلفة تمامًا.
ليه الكلاس ده مهم؟
بالذات لو إنتي في الأربعينات أو الخمسينات، ممكن تكوني بتحسي إن الرياضة اصبحت تقيلة أو مش ممتعة.
لكن فيتنس دانسينج بيخليكي تتحركي من غير ما تحسي إنك “بتتمرّني”… جسمك بيشد، الدهون بتتحرق، اللياقة بتزيد، والمود؟ بيتعدل من أول أغنية
ده كلاس لكل ست وبنت عايزة:
• تفصل ساعة عن ضغط البيت والشغل.
• تفتكر قد إيه جسمها حلو لما بيتحرك.
• تنحت وسطها وظهرها وبطنها بحركات صحيحة للعضلات.
• تحس إنها حرة، خفيفة، وعايشة
مين يقدر يشارك؟
أي حد، في أي عمر، في أي فورمة. مفيش حاجة اسمها “متأخرة”، ومفيش “أنا مش بعرف أرقص”.
كلنا بنتعلم سوا، وهدفنا الأول إننا ننبسط ونحس بقوتنا.
هتخرجي من الكلاس مش بس مفرغة طاقتك… هتكوني مشحونة بطاقة إيجابية، وحاسة بنفسك من أول وجديد.
إرسال التعليق