رحلة كوتش نهي فؤاد : قوة الإرادة تصنع الأبطال : الصور
أنا نهي فؤاد احمد المقدم
بشتغل في مجال اللوجستيك، ولفترة كبيرة ماكنتش بلعب رياضة خالص… مجرد شوية تمارين بسيطة في البيت وخلاص.
لحد ما كبرت شوية، ومن حوالي سنه ٢٠٢٠ بدأت أكتشف حاجة جديدة… الهايكينج
حبيت الموضوع جدًا، خاصة في أماكن زي وادي دجلة ونويبع، وجربت كمان في وادي الوشواش كان في إحساس مختلف… هدوء + طبيعة + طاقة حلوة جدًا.
بعد كده، بدأت رحلتي مع الجري
أنا أصلاً بحب المشي جدًا، فدخلت في شوية challenge مع جروبات مختلفة، خصوصًا في رمضان.
وأول تجربة ليا كانت مع challenge تابع لوزارة الشباب والرياضة… ومن هنا الموضوع بدأ يكبر معايا.
كملت بعدها مع تحديات تانية زي RTC، وبدأت أشارك في فعاليات وماراثونات تبع جروب night runners & wadi ibrx
جريت في الاقصر
جريت في شرم الشيخ (10 كم) شاركت في ماراثون وادي دجلة (وكان صعب شوية
) لأنه في المحميه بس مع كل مرة… كنت بحس إني بتطور وقتي بيتحسن نفسيتي بتتحسن وأدائي بيبقى أحسن من اللي قبله الرياضة دخلت حياتي بشكل تدريجي من 2020… وفرقت معايا جدًا، سواء جسديًا أو نفسيًا. وأهم حاجة اتعلمتها: مش مهم تبدأ جامد… المهم تبدأ أصلاً نصيحتي لأي حد: انزل جرّب
مش مهم تجري كام كيلو ولا توصل في وقت قد إيه المهم تعمل حاجة تطلع فيها طاقتك حاجة تحس إنها بتفيدك لصحتك… ولنفسيتك… ولحياتك كلها ابدأ بخطوة بسيطة… وهتتفاجئ أنت ممكن توصل لفين
إرسال التعليق