شاهد أهمية ممارسة يوجا مع يوجين نوران طارق
اليوجا اصبحت جزء من حياتى فى وقت قليل
انا نوران مهندسة معمارية بدأت امارس اليوجا من ٣ سنوات و بقت بالنسبه لى اسلوب حياه و دخلت بعمق اكتر فى دراستها ب كورس ٢٠٠ ساعة مع cinderella yoga & Pilates معتمد من yoga alliance USA اليوجا غيرت حياتى من ٣ اتجاهات
؛ اولا نفسيا اليوجا بتخلص من كل المشاعر السلبية اللى بنواجها فى حياتنا بتبدأ التمرين بإحساس و بتخرج بإحساس مختلف تماما تانيا جسديا اليوجا بتساعدنا نعرف الوضعية الصح للوقوف و الجلوس و نظرا لان احنا حياتنا العملية كلها اصبحت على اللاب توب و حتى فى اوقات فراغنا على الموبايل بوضعيات غلط تماما على العمود الفقرى و على جسمنا كله ، ف اليوجا بتساعدنا نظبط كل ده
تانى حاجة اليوجا فعليا رياضة بتشغل و تقوى كل عضلات الجسم و بتزود قوة التحمل ، تساعد كمان على اطالة العضلات بالتالى زيادة المرونة فى الجسم و دة عامل بيزود الارادة و التحدى ان نفضل نشتغل على نفسنا عشان نقدر اننا نوصل لوضع معين من وضعيات اليوجا اللى بنحبها و شكلنا فيها حلو و ده بيزود الثقة بالنفس و بيحسن الحالة النفسية ثالثا و من اهمهم اليوجا بتساعدنا نتنفس صح من خلال تمارين النفس و بتحسن من قدرة الجهاز التنفسى اليوجا لو اصبحت اسلوب حياة متبع حتى لو نص ساعة فى اليوم هتغير فى حياتنا كتيير .
شاهد تمارين يوجا عبر انستجرام
إرسال التعليق