أنا كابتن مروة النوبي، مؤسسة وصاحبة Elnoby Yoga Flow

قضيت 16 سنة من حياتي في شغل الشركات — روتين، 9 ساعات كل يوم، تحكمات، وضغط، وتقدير = صفر تقريبًا وفجأة سألت نفسي: “ليه أعيش حياتي كده وأنا عندي حلم بحبه؟” وقررت أبدأ من جديد بدأت أتمرن يوجا من حوالي 4 سنوات ، حبيتها أوي، ومع الوقت شغفي بيها زاد لدرجة قررت أدرسها بجد. درست وحصلت على 200 ساعة تدريب مدربي اليوجا المعتمدة من Yoga Alliance، وبدأت أدرّس من حوالي سنة ونص. وفي 2024 أسست مشروعي اللي هو قلبي Elnoby Yoga Flow. اليوجا غيّرتني في كل حاجة — في طريقة تفكيري وهدوئي واستقبالي للأمور، خلتني أخلع النظارة السودة اللي كنت شايفة بيها الدنيا، وبدأت أشوفها بالألوان وأخيرًا، فعلاً، شميت نفسي بفضلها ومن حبي في المجال، اكتشفت إن التغذية جزء لا يتجزأ من الرياضة، فقررت أكمل وأدرس تغذية رياضية في جامعة عين شمس، والحمد لله خلصت الدراسة بتقدير جيد جدًا، وفي انتظار الشهادة الرسمية كمان حضرت ورشة تغذية رياضيين مع د. محمد زلط تحت إشراف الجامعة المصرية الصينية وNutri Lifestyle Club. دلوقتي بقدّم سيشنز متنوعة زي: Hatha Yoga – Yin Yoga – Aqua Yoga – Pilates – Meditation – Stretching – Mobility في أماكن مختلفة: Elnoby Yoga Flow – New Cairo 212 Gym – Nasr City Level Fitness Gym – Nasr City وكمان بقدّم جلسات Private وOnline

كما قدمت كابتن مروة النوبي حصص يوجا في نادي بتروسبورت – القطامية بالتجمع الخامس، وتم تكريمها بشهادة تقدير عن مجهودها وتعليمها اليوجا بشغف

هدفي البسيط لكنه غالي جدًا: إني أكون سبب إن حد يخرج من السيشن مرتاح ومبسوط، حاسس بهدوء وسلام داخلي القرار كان صعب ومخيف، بس لو فضلنا خايفين ومجربناش نغامر، مش هنتحرك خطوة في حياتنا. الحياة بنعيشها مرة واحدة، ومفيش إعادة

Namaste