ندي عبد العزيز جاد الله

ماجستير قانون جامعه عين شمس

وبشتغل في التسويق من ٨ سنوات

بشتغل من وانا صغيره من قبل مبدأ كاريري في التسويق وكنت دايما تعبانه ومحدش فاهم انا بعاني من إيه لدرجه ان اوقات كنت بسيب الشركه الي انا فيها بس بسبب انهم مش فاهمين ظروفي الصحيه وبيفتكروني بدلع

من سن ١٣ سنه وانا بشتكي من وجع غير مفهوم ومن وقتها وانا كل فتره اروح لدكتور اختصاص مختلف يمكن يقولي عندي ايه

لحد سن ٢٤ اتشخصت فيبرومالجيا بعد معاناه من تحاليل واشعه

طبعا الحمد الله

اليوجا شغلا عقلي من وانا صغيره جدا وكنت بحاول اشوف فيديوهات واعمل زيها في البيت لأن مكنش في استوديوهات ولا جيمات كتير بتمرن يوجا

لحد مبدأت الاقي كلاسز يوجا واحضرها بس عمري مقدرت انتظم في تمرين بسبب ظروف شغلي رغم انها كانت دايما احلي ساعه في اسبوعي

من سنتين تقريبا مريت بظروف قاسيه

وكنت في حاله اكتئاب شديد بسبب فقداني ولدي وبعدها بسنه اخويا

سبت شغلي واهملت ابني ونسيت نفسي وكنت ٥ ايام في الاسبوع في السرير مش قدرا اتحرك

ومن سنه بدأت اتحرك شويه نزلت ستوديو اتمرن لقيت نفسي بتحسن بقوم قدرا اتكلم مبيجليش هجمات زي الاول

الدكتور بدأ يقللي مضادات الاكتئاب

هنا قررت اني هفهم اكتر و خدت اكتر من ورك شوب في اليوجا

وبعدها خدت كورس ال ٢٠٠ ساعه في مدرسه سندريلا وهنا انتقلت لمرحله الوعي

انا مش بس اتحسنت نفسيا وجسديا

انا كمان بقيت قدرا اتعامل مع مشاعري افهمها افهم انا حسا س دلوقتي ايه

افهم العضله دي في جسمي وجعاني ليه وفين احس بيها

فهمت احط ازاي حدود للأذي من اي حد حتي من نفسي

فهمت ان كل اأي احساس بنحسو هيا مشاعر وايا كان نوعها حزن فرح ضيق تفاؤل حب عدوانيه خوف

فهيا بتاخد وقتها وتروح لحالها

انا ملهمه باليوجا لأنها غيرت حياتي وعندي هدف و شغف كبير اوي اني اوصل علم اليوجا لكل الناس

شاهد تمارين يوجا عبر انستجرام و تيك توك

https://www.instagram.com/nadaa.abdelaziz?igsh=MWp3dTJsYXZ3OTd0eA%3D%3D&utm_source=qr