دكتورة نهلة عبدالحميد أخصائي العلاج الطبيعي و الاستيوباثي

و مدرب يوجا حصلت علي 300 ساعة من Yoga Alliance multi style USA قبلها درست 3 سنوات في الاستيوباثي من Osteopathic college of Ontario Canada بدأت رحلتي في اليوجا من 2010 في مولانا ازاد المركز الثقافي الهندي مع مدربين هنود و انقطعت عنها لمدة طويلة كان تركيزي اكتر في تخصصي العلاج الطبيعي و من بعده الدكتوراه في الاستيوباثي و تشاء الظروف ان أبدا تاني مع اليوجا بكورس 200 ساعة في 2022 و بعدها 100 ساعة في 2023 اليوجا

دخلت حياتي في محطة مهمة للتغير و ساعدتني اتخطي ظروف كتير و اغير من شخصيتي لشخصية متفائلة منفتحة و عندها قدرة كبيرة علي التأقلم بعد ما أتممت كورس اليوجا حبيت أدخل الاستيوباثي مع اليوجا كا بروتوكول علاجي كامل و فعلا كانت النتيجة مبهرة بالنسبة للعيان و خصوصا مرضي الفيبروميالجيا او حالات مرضية اخري صعب تمارس التمارين العادية في الجيم اليوجا تساعدهم علي الاستشفاء الداخلي و الخارجي و دعم نفسي للمرضي و دا ظهر اكتر لو جروب نفس الحالة المرضية فخورة بنفسي و دايما بشكر ربنا علي الظروف الي خلتني اتجه لليوجا تاني

انا بحضر لكورس yoga Anatomy لمدربين اليوجا هيساعد في فهم poses و حركات اليوجا و امتي نوظف كل واحد فيهم حسب حالة المتدرب و امتي اقول فيه اصابة

نصايح طبية للي حابب يلعب يوجا يركز علي شرب الماء و التسخين قبلها و التركيز مع تمارين النفس و عدك المخاطرة بالحركات الصعبة كل وقت في التمرين و ليه مستوي الحركات و الوضعيات علشان الجسم يستفيد اكتر من التجربة و نقلل الاصابات في شد العضلات

الرياضه مش بس عشان اظبط شكل جسمي لأ ده عشان ثقتنا بنفسنا بتكون اعلي وعشان صحتنا ونفسيتنا اللي شايلانا طول حياتنا عشان بنقلل من التوتر والقلق نتيجه الضغوطات اليومية وكل ما بنكبر في السن بنحتاج الرياضة اكتر للبعد قدر الإمكان عن التعب المستمر الرياضة سعادة وصحة

 . انصح كل ام واب ان يبادروا بمشاركة اولادهم فى التدريبات  يوجا  لبناء شخصية مسئولة ومتزنة وقوية وللحفاظ على صحة جيدة ولياقة عالية