الاسم مروة كمال
اللقب مارو كمال
Yoga Teacher
Nirvana Instructor
GF Instructor
البداية في المجال الرياضي من الطفولة
في لعبة التايكوندو
خدت كذا بطولة فيها
لحد ما بقيت مدربة للاطفال التايكوندو
بعد التخرج سنة 2003
كلية خدمة اجتماعية جامعة حلوان
والحصول علي الماجستير في الدفاع الاجتماعي
اتجهت للعمل في المجال الرياضي
درست Group Fitness و PT في Gold's Academy
ووقتها كنت بشتغل في جولدز جيم النيل والمعادي
واليوجا مكنتش منتشرة وقتها
وأغلب المدربين كانوا جنسيات مختلفة
ومرة كنت حاضرة مع مدرس يوجا هندي اسمه Amit Negi
عجبتني جدا اليوجا وفضلت احضر معاه كلاسيز كتير جدا
لحد سنة 2011 وقت الثورة
لما حصلت الثورة هو كان ف الهند
وسألته ادرس اليوجا اللي هو بيدرسها فين
قالي الهند في أكاديمية
International Yoga Academy in Rishikesh
فقررت اني اسافر ادرس هناك في الأكاديمية
ومن هنا بدأت قصة الدراسة والبحث في اليوجا
درست
Yoga Protocol Instructor (YPI)
Yoga Wellness Instructor (YWI)
كنت مقيمة في الهند لمدة 4 شهور تقريباً
ورجعت بعدها مصر بفكر مختلف تماماً
بدئت ادرس اليوجا في كذا جيم
وعلشان اليوجا مكنتش منتشرة وقتها اوقات كتير كنت بلاقي اقبال أن الناس تعرفها وأوقات الاقي نفور منها علي اعتبار أنها ثقافة هندية
وطبعا اي علم ليس له نهاية
ودايما فيه فروع كتير جدا ومدارس مختلفة
والدراسة والتعليم لا ينتهي مهما الإنسان كبر
والحمدلله أن اليوجا انتشرت حاليا وبقت معروفة
اشتغلت يوجا كلاسيز في كذا مكان
بس كان نفسي جدا اشتغل في أماكن Open Air
لان الرياضات والتدريبات اللي بتكون في اماكن مفتوحة وسط الطبيعة احسن لجسمنا
سنة 2016 بدئت اعمل رحلات لليوجا داخل مصر
لشرم والغردقة ومرسي علم
رحلات يوم الواحد للعين السخنة والفيوم
ايفنتات لليوجا في اماكن مفتوحة
سنة 2019 درست النيرفانا دي مدرسة في أوروبا في سلوفينيا
مختلفة عن اليوجا في التكنيك وطرق التنفس بس الاتنين ليهم هدف واحد
في النيرفانا التنفس اهم حاجة بنعملها في التدريب
رغم اني اشتغلت في جيمات معروفة جدا إلا أن اليوجا والنيرفانا وسط الأماكن المفتوحة علي النيل أو وسط الجناين كانت هيا الافضل بالنسبالي
رحلات اليوجا الافضل والافضل ودا ل دورها المهم ف تغيير مود الناس اللي بتسافر
أسست جروب سنة 2018
Yoga For All
وسنة 2019 أسست جروب
Yoga & Retreats Egypt
ايه هي فوائد yoga
•بتقلل من الام الظهر و الرقبه و الكتفين.
•بتساعدنا نتنفس بشكل افضل.
•بتعزز وتحسن من سعة الرئتين.
•بتعزز حركة المفاصل.
• بتقلل من خطر الإصابة بأمراض القلب والأوعية الدموية.
• بتحسن من تدفق الدم.
• تخفيف القلق والتوتر وتساعد على التأمل والتركيز
٠ تأخير ظهور علامات تقدم السن .
الرياضه مش بس عشان اظبط شكل جسمي لأ ده عشان ثقتنا بنفسنا بتكون اعلي وعشان صحتنا ونفسيتنا اللي شايلانا طول حياتنا عشان بنقلل من التوتر والقلق نتيجه الضغوطات اليومية وكل ما بنكبر في السن بنحتاج الرياضة اكتر للبعد قدر الإمكان عن التعب المستمر الرياضة سعادة وصحة
. انصح كل ام واب ان يبادروا بمشاركة اولادهم فى التدريبات الرياضية لبناء شخصية مسئولة ومتزنة وقوية وللحفاظ على صحة جيدة ولياقة عالية
