الاسم : كوتش سارة عزيز
بدأت الرياضه عموما من صغرى و والدى هو اللى علمنى كل الرياضات تقريبا و كان بيشجعنى وبيودينى التمرين و كمان الجرى و ينزل يمرنى زياده فالاجازه هو اصلا بطل رياضي وكان محقق ميداليات فى رمى الجله ورياضات تانيه و نقدر نقول ان حب الرياضه دى جينات خدتها منه  ونا من قلبي ممتناله جدا لانه هو اللى شدني فى التعلق بحب الرياضه حتى لما كنا بنروح المصيف كنا بجانب السباحه بنلعب الراكت سوا بالساعات وكنا بنلاقي متعتنا فيها اوى وكبرت على حب الرياضه وفضلت ملازمه الچيم لحد ما انهيت دراستى و التفت لهوايتي اللى بستمتع بيها وبعرف ابدع فيها وساعتها قررت ان ده هيكون مجال عملى فبدأت اخد كورسات الفيتنس والكوتشينج وبقالى فى المجال اكتر من ١٠ سنين درست فالاول زومبا وبعدين تونينج ونزلت اشتغلت بعدها فالجيمات طبعا عافرت فالاول شويه بس بعد توفيق ربنا اللى ساعدنى انه كان عندى خبره كويسه فى ادارة الكلاس وطرق الكوتشينج بما انى طول حياتى بتمرن وملازمه الجيم والحمدلله … ولانى عارفه كويس اهمية الرياضه وفوايدها فى حياتنا بدنيا ونفسيا و كمان حبيت اوى فكرة انى اساعد الناس زى ما جربت بنفسى اد ايه الرياضه بتغير فىً نفسية الواحد وبتطوره للافضل فى كل نواحى حياته لقيت اننا عايزه اخد الثواب ده و هنزل ادرب بنية ان كل واحده جايه الجيم تتمرن هدفها هو هدفي اللى هساعدها توصله و نجاحى فاننا نحقق ده سوا من خلال الكلاسز اللى بدربها و سعادتى بحسها بجد لما بتيجى واحده تقولى انا كنت جايه كذا وبقيت كذا و انا بنزل الجيم مخصوص عشانك و غيرها تقولى انا كنت يأسه فىً حياتى ونتى اديتينىً طاقه وشجعتينى اتمرن بطريقه بقيت انزل بس عشان اشوفك واتمرن معاكى و واحده تانيه انا بستنى اليوم اللى فيه الكلاس بتاعك وده كله شىء بيسعدنىً جدا طبعا انى قدرت بفضل الله اساعد الناس دى توصل لتارجت كان نفسها تحققه او عالاقل ساعدت واحده تغير مودها للاحسن كانت جايه مضغوطه ونفسيتها تعبانه وخرجت من الكلاس بتاعى وهى احسن لأ ومبسوطه الموضوع ده شجعنى جدا اكمل كمان وبعدين نوعت بقي فى دراسة كورسات جديده زى الاكوا دى تمرينه فالميه وبعدها زومبا كيدز دى زومبا للاطفال وبعدها درست بروجرام اسمه Strong Nation ده قوى شويه هدفه تقويات لبنية الجسم من خلال برنامج Hiit كارديو متقدم اوى بيزيد من قوة تحمل الشخص وبتساعده على التركيز اكتر ومجهوده البدنى اعلى وبينحت الجسم كمان وبما انى من اول دفعه درسته فى مصر ٢٠١٧ و من اول مدربين دربته فالجيمات الحمدلله طلبوني فىً الجامعه الامريكيه اشتغل معاهم وادخل البرنامج الجديد ده عندهم فالچيم واشتغلت بشكلٍ منتظم فى السبورتس كومبلكس وربنا وفقنى وبقيت ادرب معاهم اكتر من بروجرام من ضمنهم سترونجً و حقق قبول جيد عند الناس الحمدلله وفضلنا كده لحد ما جت كورونا والدنيا كلها وقفت سواء فالجامعه او حتى فى الجيمات كلها وكملت انا فى هوايتى وكنت بنزل اجرى يوميا بس الحمدلله قدرت بردو اساعد الناس والمتدربين وبقيت اعملهم برنامج تدريبي من خلال زووم بيتابعوه وبيتمرنوا معاه و ده فرق مع كتير بفضل الله لان ناس كتير من الحبسه دخلت فى اكتءاب حرفيا وبدانه كمان لكن اللى واظبوا عالتمرينه نجيوا بفضل الله
وكنت كملت انا فىً دراساتى عشان مضيعش وقت درست كورس تغذيه وخدتها من AFFA لأنها مهمه جدا للمدرب الشاطر وكمان درست كورس Group fitness exercise وبعدها بفتره تدريجيا كده رجعت الجيمات وبعدين الجامعه وبقيت اقدم انواع ورك اوت تانيه مختلفه وبفضل الله بقت الكلاسز اللى بقدمها هناك هى الاكثر كثافه وطلبا حتى ان جريدة الCaravan بتاعة الجامعه كتبت عنى مقال بتشكر فيه مجهودى وبتتكلم عن الكلاسز اللى بقدمها للطلبه والدكاتره فالجامعه وبعدين طلبنى ال Tv فى برنامج عايزين يعرفوا الناس يعنى ايه برنامج سترونجً وهدفه و فوايده كده وكسرت حاجز الخوف من الظهور عالشاشه لاول مره وكانت حلقه قويه الحمدلله .
وكملت فى رحلة التدريب والفيتنس لحد ما حصلتلى اصابه عضليه شديده جدا وتداعت بسرعه وخلتنى اضطر اوقف تدريب لمدة ٨ شهور وكانت اصعب فتره فًى حياتى لانى مبقتش قادره لا امرن ولا اتمرن حتى مع نفسي ووقفت كل نشاطاتى حتى الجرى اللى كان هوايتي اللى بزاولها برا شغلى وبتسعدنى جدا وفضلت اتعالج وبقي مجهودى على رجلى يا دوبك انى اروح اعملها العلاج الطبيعى وبس وكان تحدى كبير ليا لاننا اصلا بطبعي محبه للحركه والتفاعل مع الناس ومع الاصابه بقيت فى عزله بلا حركه فكانت مؤلمه نفسيا جدا مبقاش اودامى غير الصبر واكمل فىً العلاج لحد ما قربت عالاستشفاء وقالتلى ساعتها الدكتوره المتابعه لحالتى جربي اليوجا هتساعدك اوى وكأنها شاورتلى عالاتجاه الجديد انا اصلا كان بقالى شويه بحضر كلاسز فالجيم بس مش بانتظام بس انا دلوقتىُ بقيت محتاجاها فىً حياتى كعلاج سبحان الله هو ربنا يسرنى ليها ويسرها ليا كانت اول حاجه ادرسها بعد ما رجعت من الاصابه وساعدتنى بفضل ربنا بجد انى اقدر ارجع ادرب كل اللى درسته وبأريحيه من غير معاناه فالحركة وألم زى ما كنت بعانى اخر وقت ومن ساعتها بقت عشقي و توأم روحى اللى حست بمعاناتى وانتشلتني فى عز منا كنت محتاجاها الحمدلله ربنا وفقنى فيها وبقيت ادربها بانتظام وبقوا الممبرز اللى كانو بيدربوا معايا بيستنوها منى مخصوص و بيحسوها اجمل نهايه ليوم التمرين بتاعهم وبقي لازم نقفل باليوجا اللى بالتالى غيرت نفسيتهم هما كمان للاحسن الريلاكساشن اللى فيها والفلو اللى بيرخى عضلاتهم و بيريحهم بدنيا كمان والمساچ اللى بعمله فالاخر بيخلينا كلنا خارجين مبسوطين و فتره كده فاليوجا وبقيت ادرب يوجا اكتر وبقي بيحضر معايا ناس مختلفه وفى مره لقيت موبيلى بيرن حد من وزارة الشباب والرياضه طالبانى عشان فى تكريم ليا على اداءى فى اليوجا و دورى فى مساعدة المرأه صحيا ونفسيا واقيم فى المركز الرياضي فى المعادى فى اليوم العالمى للمرأه وحضره وزير الشباب والرياضه و كرمنى انا و٤ تانيين مؤثرين فى حياة المرأه و بعدها بفتره اتطلب منى الظهور فى برنامج تلفزيوني اتكلم فيه عن ممارسة اليوجا وفوايدها فى حياتنا والرياضه عموما بما انىً بدرب بقالى سنين فى المجال و فالمره دى اتعودت شويه على قلق الظهور عالشاشه وكانت حلقه حلوه بردو الحمدلله ….
وفى رحلة الحياه و بيحضر معايا ناس مختلفه فى مره لقيت عقيد بيتصل بيا كوتش ساره عزيز ايوه خير فىً ايه ؟ عايزينك تدربي مجموعة ظباط عندنا فى مقرهم وقد كان و زادنا شرف طبعا و لأن الشغف واخدني وبحب اطور من نفسي دايما دخلت كورسات جديده المره دى كان Body pump برنامج طبعه مختلف كله weight Lifting وهدفه بناء عضلي قوى علمنى وفادنى وفرق معايا كتير جدا بجانب ممارستى لهوايتى المفضله الجرى اللى والدى بدأه معاياً زمان وبقيت اشارك فى مسابقات و اشجع اللى بيدربوا معايا من الممبرز ييجو يشاركوا فالسباقات واشتركت فى سباق الجرى مع Adidas runners و فزت الحمدلله و بعده كده دخلت سباق Cairo runners وحققت فيه سكور تايم بردو الحمدلله ….
و فى حب الرياضه مكمله و فى رحلة الفيتنس هفضل أدى و حاسه ان طمًوحى مبينتهيش
فى النهايه بس حابه اقول ان فى رأيي الرياضه هى خير وسيله لبر الابدان و زى ما الرسول عليه الصلاة والسلام قال " ان لنفسك عليك حقا" دى افضل طريقة تنمى بيها جسمك تقويه وتصونه من الامراض واعراض السن ده غير انها حقيقي خير صديق دائما مفيده وهتلاقيها فعلا معاك وقت الضيق